খোৱামেজত

(১৮ মাৰ্চ’ ২0১১ ত , NRC- AGBP ৰ  সাহিত্য বিভাগৰ দ্বাৰা আয়োজিত ‘ কবিতাৰ এসন্ধ্যা’ অনুস্থানত পাঠ কৰা কবিতা )

খোৱামেজত তোৰ বাবে চকী পাৰি থৈছো

সৌকন তই ভালপোৱা কুড়ি মাছৰ জোল

ফলা মগুমাহ দি বৰ যতনকে বনাইছো ৷

চকীখনত থৈ দিছো এটা মোলায়েম কুচন

আৰু এইখন তোৰেই পুৰণা গামোচা

মুখ-হাতখন ধুই মুচিব পৰাকৈ

সমুখৰ চকীখন মোৰ বাবে

মোৰ দুচকুত চকু থৈ তই হাঁহিবি

শুকান বালিচৰ জীপাল কৰিবি

পিছে তই বাৰু ইমান পলম কৰিছ কিয়?

আগতেতো সময়ৰ হেৰ-ফেৰ নকৰিছিলি কেতিয়াও

অলপ মান খৰখেদা কৰ

তোৰ গাৰ গোন্ধটোৱে যে মোক বাৰুকৈয়ে আমনি কৰিছে ৷

                                                                                                      
                                                                                               -- প্ৰণামী গোস্বামী --